ჩაი – ყველაზე სასარგებლო სასმელი
ჩაის სასარგებლო თვისებები ფართოდაა ცნობილი. განსაკუთრებით ხშირად მწვანე ჩაის სიკეთეზე ლაპარაკობენ, თუმცა მას არც შავი ჩაი ჩამოუვარდება, განსაკუთრებით, თუ შავ ჩაის რძესაც შეურევთ. ახალმა გამოკვლევებმა დაადასტურა, რომ რძიანი შავი ჩაი კარგი საშუალებაა გულის პრობლემების პროფილაქტიკისთვის, გარდა ამისა, ის ხელს უწყობს ძვლების გამაგრებას და აუმჯობე...
სებს გუნება-განწყობილებას.
ლონდონის უნივერსიტეტის ფარმაკოლოგიის სკოლის ბრიტანელი პროფესორი, ფიტოქიმიის სპეციალისტი სიმონ გიბსონი აღნიშნავს, რომ დღეში სამი ახლადდაყენებული ფინჯანი ჩაი, დაიცავს და შეუნარჩუნებს ჯანმრთლეობას ადამიანს.
მისივე თქმით ასეთი უბრალო რიტუალით შესაძლებელია ადამიანის გადარჩენა საშინელი დაავადებისგან, როგორიცაა ინსულტი, თავის ტვინის სიმსივნეები და სხვადასხვა ინფექციები.
შავი ჩაი სასარგებლოა ასაკოვანი ქალბატონებისთვისაც. ასაკის მატებასთან ერთად მათი ძვლები სულ უფრო მყიფე ხდება, დღეში ოთხი ფინჯანი შავი ჩაის დახმარებით კი ძვლებს სიმტკიცე შეემატებათ. საერთოდ, მეცნიერები ოპტიმალურ დღიურ ნორმად 3-8 ფინჯან ჩაის მიიჩნევენ და თუ ჩაის კარგ კომპანიაშიც მიირთმევთ, ეს მთელ დღეს გაგიხალისებთ.
მწვანე ჩაი განწყობას აუმჯობესებს, შრომისუნარიანობასა და ამტანობას ამაღლებს, აზროვნებას აფხიზლებს, კონცენტრაციასა და აქტიურ მდგომარეობაში ხანგრძლივად ყოფნას ეხმარება, მატებს ძალას, ხსნის დაღლას, გახდომასა და ახალგაზრდობის გახანგრძლივებას ეხმარება.