იოგურტი არის ცოცხალი პროდუქტი, რომელიც მზადდება რძისგან, აქვს ცილის, კალციუმის და ვიტამინების ძალიან მაღალი შემცველობა. იოგურტი არის კალციუმის წყარო, მასში შემავალი მინერალები ამცირებს ნაწლავის კიბოთი დაავადების რისკს. იოგურტი ასევე არის თქვენი იმუნური სისტემის მშენებელი.
იოგურტი ასევე შეგიძლიათ აქტიურად გამოიყენოთ დიეტებში, რადგან დაბალკალორიული პროდუქტია. გარდა ამისა, მას შეუძლია ქოლესტერინის დონის შემცირება. განსაკუთრებით სასარგებლოა ბერძნული რეცეპტით დამზადებული იოგურტი.
იოგურტი, კვებითი მიზნების გარდა, ასევე შეგიძლიათ გამოიყენოთ კოსმეტოლოგიაში და გაიკეთოთ იოგურტის სახის ნიღბები. მიაქციეთ ყურადღება იმას, რომ იოგურტი იყოს ნატურალური რძისაგან დამზადებული და არ შეიცავდეს კონსერვატებს და ქიმიკატებს.
როგორც წესი ნატურალურ იოგურტს უნდა ჰქონდეს წარწერა “ცოცხალი”, ხოლო მის ინგრედიენტებში უნდა იყოს დასახელებული იოგურტისთვის აუცილებელი ბაქტერიები. ჩვენს ბაზარზე არსებული იოგურტების საკმაოდ დიდი წილი იმპორტულია, რომელთა უმეტესობა თერმულად არის დამუშავებული (პასტერიზებული), ანუ არ შეიცავს ცოცხალ რძემჟავა ბაქტერიებს. შესაბამისად, ასეთი იოგურტები მხოლოდ გემრიელი დესერტია და ჯანმრთელობაზე დიდ გავლენას არ ახდენს.